நியூயார்க்: வலி நிவாரணிகளைத் திருடி அவற்றில் ஆல்கஹால் கலந்து அவற்றை நோயாளிகளுக்குச் செலுத்தி மஞ்சள்காமாலை மற்றும் கல்லீரல் நோய்களைப் பரப்பிய அமெரிக்க லேப் டெக்னீசியனுக்கு 39 ஆண்டுகள் சிறைத் தண்டனை விதிக்கப் பட்டுள்ளது. அமெரிக்காவில் உள்ள நியூஹம்ப்ஷியர் பகுதியைச் சேர்ந்த 34 வயது லேப் டெக்னீசியன் டேவிட் கியாட் கோவ்ஸ்கி. இவர் 3 மாகாணங்களில் 18 ஆஸ்பத்திரிகளில் மாறி மாறி பணி புரிந்துள்ளார். இந்நிலையில் கடந்த 2011-ம் ஆண்டு, 46 நோயாளிகளுக்கு மஞ்சள்காமாலை நோயை பரப்பியதற்காக டேவிட் கைது செய்யப் பட்டார். அதனைத் தொடர்ந்து அவரிடம் நடத்தப் பட்ட விசாரணையில், டேவிட் தடை செய்யப்பட்ட மருந்துகளை பலருக்கு செலுத்தியதும், பல மருந்துகளை திருடியதும் அம்பலமானது. மேலும், வலி நிவாரண மருந்துகளை திருடி அதனுடன் ஆல்கஹாலை கலந்து கெட்டுபோன ஊசி மூலம் நோயாளிகளின் உடலில் செலுத்தி, அதன் மூலம் பலரை மஞ்சள் காமாலை, கல்லீரல் உள்ளிட்ட நோய் பாதிப்புக்கு டேவிட் ஆளாக்கியதும் கண்டுபிடிக்கப்பட்டது. வழக்கு விசாரணையில் டேவிட் மீதான குற்றம் நிரூபிக்கப்பட்டதால், அவருக்கு 39 ஆண்டுகள் சிறைத் தண்டனை விதித்து நீதிபதி தீர்ப்பளித்துள்ளார். - www.tnfinds.com - Best site in the world..

பெங்களூர் ஐ.டி. நிறுவன ஊழியர் பலாத்காரம்- கேரள ஹோட்டல் ஊழியர்கள் இருவரிடம் விசாரணை!

திருவனந்தபுரம்: திருவனந்தபுரம் அருகே உல்லாச விடுதியில் பெங்களூர் ஐடி நிறுவன பெண் ஊழியர் பலாத்காரம் செய்யப்பட்டது தொடர்பாக அந்த விடுதி ஊழியர்கள் இருவரை பிடித்து போலீசார் துருவி துருவி விசாரணை நடத்தி வருகின்றனர்.

கேரள எல்லையான களியக்காவிளை அருகே பூவாறு பகுதி சுற்றுலா தலமாக மாறி வருகிறது. கேரள சுற்றுலாத்துறை சார்பில் இங்கு படகு சவாரி மற்றும் பயணிகள் ஆயுர்வேத மசாஜ் செய்யவும் ஏற்பாடு செய்துள்ளது.

கடந்த சில ஆண்டுகளாக இங்கு வரும் பயணிகளின் எண்ணிக்கை அதிகரித்ததை தொடர்ந்து இங்கு ஏராளமான உல்லாச விடுதிகள், லாட்ஜுக்கள், நட்சத்திர ஓட்டல்கள் உருவாகியுள்ளன. கடந்த 4 நாட்களுக்கு முன்பு பெங்களூரில் உள்ள தனியார் ஐ.டி. நிறுவன ஊழியர்கள் 28 பேர் இங்கு சுற்றுலா வந்தனர். அவர்கள் பூவாறில் உள்ள ஒரு உல்லாச விடுதியில் அறை எடுத்து தங்கி இருந்தனர்.

இதில் சில பெண்களும் இடம் பெற்றிருந்தனர். இவர்களில் 41 வயதான பெண் ஊழியர் ஒருவர் விடுதியில் உள்ள அறையில் தனியாக தங்கினார். இரவு நேரத்தில் 2 நபர்கள் இவரது அறைக்குள் அத்துமீறி நுழைந்ததோடு அந்த பெண்ணை பாலியல் பலாத்காரமும் செய்தனர்.

இதுபற்றி அந்த பெண், காவல் நிலையத்தில் புகார் செய்தார். போலீசார் உடனடியாக அந்த பெண்ணை மருத்துவ பரிசோதனைக்கு அனுப்பி வைத்தனர். மேலும் உல்லாச விடுதிக்கு சென்று விசாரணை நடத்தினர். இதில், உல்லாச விடுதியில் பணிபுரிந்த 2 பேர் மீது போலீசாருக்கு சந்தேகம் ஏற்பட்டது. இதையடுத்து அந்த இருவரையும் போலீசார் விசாரணைக்கு அழைத்துச் சென்றனர்.

ரகசிய இடத்தில் வைத்து அவர்களிடம் விசாரணை நடக்கிறது. அந்த இரு சந்தேக நபர்களுக்கும் இன்று மருத்துவ பரிசோதனையும் நடத்தப்படுகிறது. இப்பரிசோதனை முடிவில் பெண்ணை பலாத்காரம் செய்தது இவர்கள் தானா? என்பது தெரிய வரும்.

More Hot News Click Here...