புதிய சாதனை: மூன்று நாட்களில் ரூ 69.58 கோடி குவித்த தூம் 3!
ஆமீர்கான், அபிஷேக் பச்சன் நடித்த தூம் 3 படம் முதல் மூன்று தினங்களில் ரூ 69.58 கோடி வசூலித்துள்ளதாக யாஷ்ராஜ் பிலிம்ஸ் தெரிவித்துள்ளது.
கடந்த வெள்ளிக்கிழமை உலகம் முழுவதும் வெளியானது இந்தப் படம்.
முதல் மூன்று நாள் வசூல் நிலவரம் இப்போது வெளியாகியுள்ளது.
படம் வெளியான முதல் நாளான வெள்ளிக்கிழமை மட்டும் இந்தப் படம் 36.22 கோடியை குவித்துள்ளது. இதுவரை வெளியான படங்களில் முதல் இவ்வளவு பெரிய தொகையைக் குவித்துள்ள படம் தூம் 3 தான்.
இதற்கு முன் வெளியான சென்னை எக்ஸ்பிரஸ் ரூ 33.1 கோடியையும், க்ரிஷ் 35.91 கோடியையும் குவித்திருந்தன.
இந்த வசூலை முறியடித்துள்ளது தூம் 3. இந்தி, தமிழ் மற்றும் தெலுங்கு ஆகிய மூன்று மொழிகளிலும் தூம் 3 வெளியிடப்பட்டது. அனைத்து மொழிகளிலும் சேர்த்துதான் இந்த வசூல் என்பது குறிப்பிடத்தக்கது.
விமர்சனங்கள் கலவையாக இருந்தாலும் தூம் 3 வசூல் மட்டும திருப்தியாகவே உள்ளதாகவும், இந்த வேகத்தில் வசூல் குவிந்தால் விரைவில் ரூ 300 கோடியை இந்தப் படம் வசூலித்துவிடும் என்றும் பாக்ஸ் ஆபீஸ் வட்டாரங்கள் நம்பிக்கை தெரிவித்துள்ளன.
No comments:
Post a Comment