இந்த வார ராசி பலன்(25.10.2013 முதல் 31.10.2013 வரை) - www.tnfinds.com - Best Site in the World

இந்த வார ராசி பலன்(25.10.2013 முதல் 31.10.2013 வரை)

மேஷம்

பொது:

 சமுதாயத்தில் உங்களின் மதிப்பும், மரியாதையும் அதிகரிக்கும். உங்கள் காரியங்கள் தடைகளைத் தாண்டி நல்லபடியாக நடக்கும். நண்பருக்கு உதவி செய்து மகிழ்வீர்கள். உடல் நலம் பாதிக்கப்படலாம். 

 

பெண்களுக்கு:

 கணவர் பாசமாக இருப்பார். பணப் புழக்கம் நன்றாக இருக்கும். சேமிப்பில் கவனம் செலுத்துவீர்கள். உறவினர் வீட்டு சுப நிகழ்ச்சியில் கலந்து கொண்டு மகிழக்கூடும். 

 

வேலை பார்ப்போருக்கு: 

சக ஊழியர்கள் உதவிகரமாக இருப்பார்கள். அதனால் வேலை பளு குறையும். பயணம் செய்ய இது உகந்த வாரம் அல்ல. வியாபாரிகளுக்கு தன வரவு உண்டு.

ரிஷபம்

 

பொது: 

பெரியவர்கள் ஆலோசனைப்படி நடப்பீர்கள். எடுக்கும் காரியங்களை உற்சாகமாக செய்து முடிப்பீர்கள். புதிய முதலீடுகள் செய்யக்கூடும். உற்றார், உறவினர்கள் ஆதரவாக இருப்பார்கள். 

 

பெண்களுக்கு: 

குடும்பத்தார் சந்தோஷமாக இருப்பார்கள். சேமிப்பு செலவாகும். கணவர் மீது பாச மழை பொழிவீர்கள். குழந்தைகளின் கோரிக்கைகளை நிறைவேற்றி வைப்பீர்கள். 

 

வேலை பார்ப்போருக்கு: 

வருமானம் அதிகரிக்கும். சிலருக்கு பதவி உயர்வு கிடைத்து மகிழக்கூடும். வேலை பளு அதிகரிக்கும். எந்த வேலையையும் பதட்டப்படாமல் செய்யவும்.

மிதுனம்

 

பொது: 

வெற்றி மேல் வெற்றி வந்து சேரும். சிலர் புனிதப் பயணங்கள் மேற்கொள்ளக்கூடும். வரவுக்கேற்ற செலவு உண்டு. உடன் பிறப்புகள் பாசமாக இருப்பார்கள். 

 

பெண்களுக்கு: 

உறவினர்களுடன் இருந்து வந்த பிரச்சனை தீரும். கடன் தொல்லைகள் தீரும். குடும்பத்தாரை அனுசரித்துச் சென்று நல்ல பெயர் எடுப்பீர்கள். பண வரவு அதிகரிக்கும். 

 

வேலை பார்ப்போருக்கு: 

நீங்கள் உண்டு உங்கள் வேலை உண்டு என்று இருக்கவும். கொடுக்கும் வேலைகளை உடனுக்குடன் செய்து முடிப்பது நல்லது. சக ஊழியர்களின் குடும்ப விஷயத்தில் தலையிட வேண்டாம். வியாபாரிகள் தொழிலில் முன்னேற்றம் காண்பர்.

கடகம்

 

பொது:

 மனம் தெளிவு பெறும். உங்களின் திறமை மேம்படும். உங்கள் காரியங்களை நண்பர்கள் உதவியுடன் நல்லபடியாக செய்து முடிப்பீர்கள். உற்சாகமாக காணப்படுவீர்கள். 

 

பெண்களுக்கு: 

மங்கல நிகழ்ச்சிகளில் கலந்து கொண்டு மகிழக்கூடும். குழந்தைகள் கேட்கும் பொருட்களை வாங்கிக் கொடுப்பீர்கள். பெரியவர்களை அனுசரித்துச் செல்வீர்கள். எதிலும் நிதானமாக இருக்கவும். 

 

வேலை பார்ப்போருக்கு: 

உயர் அதிகாரிகளின் ஆதரவு சுமாராகத் தான் இருக்கும். சிலருக்கு எதிர்பார்த்தபடி பதவி உயர்வு கிடைக்கலாம். சக ஊழியர்கள் மத்தியில் உங்கள் செல்வாக்கு அதிகரிக்கும். வேலையில் கூடுதல் கவனம் தேவை.

சிம்மம்

 

பொது: 

எப்பாடுபட்டாவது திட்டமிட்ட காரியங்களை செய்து முடிப்பீர்கள். பொருளாதாரம் மேம்படும். கடிதம் மூலம் நல்ல தகவல் வந்து சேரும். மனக் கவலைகள் மாறி குதூகலமாக காணப்படுவீர்கள். 

 

பெண்களுக்கு: 

உற்றார், உறவினர்களை அனுசரித்து செல்லவும். குழந்தைகள் உங்கள் சொல்படி நடப்பார்கள். குடும்பத்தார் ஒற்றுமையாக இருப்பதை பார்த்து மகிழ்வீர்கள். நல்ல காரியத்திற்காக சேமிப்பை செலவு செய்வீர்கள். 

 

வேலை பார்ப்போருக்கு: 

உயர் அதிகாரிகள் உங்கள் நலனில் அக்கறை காட்டுவார்கள். அதனால் அலுவலகத்தில் சில சலுகைகள் கிடைக்கும். சக ஊழியர்களிடம் நட்புடன் பழகவும். யாருக்கும் அறிவரை வழங்க வேண்டாம்.

கன்னி

 

பொது: 

எதிரிகளால் கூட நன்மை அடையக்கூடும். தெய்வ பலம் அதிகரிக்கும். சகோதரிகளுடன் பிரச்சனை ஏற்படலாம். யாருக்கும் வாக்கு கொடுக்க வேண்டாம். 

 

பெண்களுக்கு: 

கணவன் மனைவி இடையே ஒற்றுமை அதிகரிக்கும். இல்லத்தில் சுப நிகழ்ச்சிகள் நடத்தி மகிழ்வீர்கள். குழந்தைகளால் பெருமை அடையக்கூடும். உடல் நலனில் கவனம் செலுத்தவும். 

 

வேலை பார்ப்போருக்கு:

 சிலர் புதிய வேலை கிடைத்து செல்லக்கூடும். பொறுப்புகள் அதிகரிக்கும். உழைத்து உழைத்து களைத்து போவீர்கள். சக ஊழியர்களை அனுசரித்துச் செல்வது நல்லது. பேச்சில் இனிமை தேவை.

துலாம்

 

பொது: 

பண வரவு திருப்திகரமாக இருக்கும். நினைத்த காரியங்கள் நினைத்தபடியே நடக்கும். நண்பர்கள் பக்கபலமாக இருப்பார்கள். மனம் மகிழும் செய்தியைக் கேட்பீர்கள். 

 

பெண்களுக்கு: 

குடும்பத்தில் நிம்மதி இருக்கும். வேலைக்கு செல்லும் பெண்கள் குறித்த நேரத்தில் அலுவலகத்திற்கு செல்லவும். பிரிந்த உறவுகள் ஒன்று சேரக்கூடும். குடும்பத்தில் நல்ல காரியம் நடக்கும். 

 

வேலை பார்ப்போருக்கு: 

உழைப்புக்கேற்ற ஊதியம் உண்டு. சக ஊழியர்கள் ஆதரவாக இருப்பார்கள். வேலையில் கண்ணும் கருத்துமாக இருக்கவும். தேவையில்லாத விஷயத்தில் தலையிட வேண்டாம்.

விருச்சிகம்

 

பொது: 

திட்டமிட்ட காரியங்கள் திட்டமிட்டபடியே நடக்கும். சமுதாயத்தில் உங்களின் செல்வாக்கு அதிகரிக்கும். உறவினர்கள் உதவிகரமாக இருப்பார்கள். பண வரவு தாமதமாகலாம். 

 

பெண்களுக்கு: 

கணவரை அனுசரித்துச் செல்வீர்கள். குழந்தைகளால் மகிழ்ச்சி அடையக்கூடும். பழைய கடன்களை அடைக்க புதிதாக கடன் வாங்கக்கூடும். சேமிப்பு பெருகும். 

 

வேலை பார்ப்போருக்கு: 

கொடுக்கும் வேலைகளை குறித்த நேரத்தில் செய்து முடிப்பீர்கள். உங்களின் ரகசியங்களை யாரிடமும் கூற வேண்டாம். வருமானத்திற்கு குறைவிருக்காது. வியாபாரிகளுக்கு பணம் கொடுக்கல், வாங்கல் சுமாராகத் தான் இருக்கும்.

தனுசு

 

பொது: 

உடல் நலம் சிறப்பாக இருக்கும். பண வரவு தள்ளிப் போகலாம். ஆன்மீகத்தில் நாட்டம் அதிகரிக்கும். யாருக்கும் ஜாமீன் கையெழுத்திட வேண்டாம். வழக்குகள் சாதகமாக முடியும். 

 

பெண்களுக்கு: 

கணவரிடம் பாராட்டு பெறக்கூடும். உறவினர்கள் ஆதரவாக இருப்பார்கள். குடும்பத்தில் ஏற்படும் சிறு சிறு பிரச்சனைகளை நீங்களே சமாளித்துவிடுவீர்கள். சில்லறைக் கடன்களை அடைப்பீர்கள். 

 

வேலை பார்ப்போருக்கு:

உயர் அதிகாரிகளிடம் நல்ல பெயர் எடுப்பீர்கள். அலுவலக பிரச்சனைகள் குறையும். சிலருக்கு விரும்பிய இடத்திற்கு மாற்றமும், ஊதிய உயர்வும் கிடைக்கும். வியாபாரிகளுக்கு தொழில் நல்லபடியாக நடக்கும்.

மகரம்

 

பொது: 

பண வரவு இரண்டு மடங்கு அதிகரிக்கும். பயணத்தின்போது கவனமாக இருக்கவும். புதிய ஒப்பந்தங்களில் கையெழுத்திடும்போது கவனமாக இருக்கவும். நினைத்த காரியங்கள் அதிக முயற்சிக்கு பிறகே வெற்றி பெறும். 

 

பெண்களுக்கு: 

குடும்பத்தில் இருந்து வந்த குழப்பங்கள் தீரும். கணவன் மனைவி இடையே அன்பும், பாசமும் அதிகரிக்கும். பெரியோரின் ஆசி கிடைக்கும். சமையல் அறையில் வேலை செய்யும்போது கவனமாக இருக்கவும். 

 

வேலை பார்ப்போருக்கு: 

அலுவலகத்தில் சுமூகமான சூழல் நிலவும். உயர் அதிகாரிகள் மற்றும் சக ஊழியர்கள் ஆகியோர் ஆதரவாக இருப்பார்கள். சிலருக்கு பதவி உயர்வு தேடி வரும். அலுவலகத்தில் குடும்ப விஷயங்கள் பற்றி பேச வேண்டாம்.

கும்பம்

 

பொது: 

நீண்ட காலமாக இழுத்துக் கொண்டிருந்த வழக்குகள் உங்களுக்கு சாதகமாக முடியும். பண வரவு திருப்திகரமாக இருக்கும். எதிலும் நிதானம் தேவை. உறவினர்களுடன் மனக்கசப்பு ஏற்படலாம். 

 

பெண்களுக்கு: 

கணவரிடம் விட்டுக் கொடுத்து நடக்கவும். குழந்தைகளின் நலனில் கவனம் செலுத்துவீர்கள். குடும்பத்துடன் குல தெய்வ வழிபாடு செய்ய திட்டமிடுவீர்கள். வீட்டுக்குத் தேவையான பொருட்களை வாங்கி மகிழ்வீர்கள். 

 

வேலை பார்ப்போருக்கு: 

வேலையில் கவனாக இருக்கவும். இல்லை என்றால் உயர் அதிகாரிகளின் கோபத்திற்கு ஆளாகலாம். பொறுப்புகள் அதிகரிக்கும். வியாபாரிகள் நல்ல லாபம் பெறுவீர்கள்.

மீனம்

 

பொது: 

நண்பர்கள் தக்க சமயத்தில் உதவி செய்வார்கள். சேமிப்பு பெருகும். திறமை பளிச்சிடும். உங்கள் பேச்சால் பிறரைக் கவர்வீர்கள். சமுதாயத்தில் முக்கிய நபர்களின் நட்பு கிடைக்கும். 

 

பெண்களுக்கு: 

பிரிந்த உறவுகள் ஒன்று சேரும். குழந்தைகளின் கல்விச் செலவு அதிகரிக்கலாம். இல்லத்தில் மங்கல நிகழ்ச்சிகள் நடத்தி மகிழ்வீர்கள். பெரியவர்களிடம் பாராட்டு பெறுவீர்கள். 

 

வேலை பார்ப்போருக்கு: 

உயர் அதிகாரிகளிடம் பாராட்டு பெறக்கூடும். சக ஊழியர்களிடம் எச்சரிக்கையாக இருக்கவும். வேலை பளு குறையும். வியாபாரிகளுக்கு வருமானம் அதிகரிக்கும்.

More News Click Here..........