'டவுட்' தனபாலு
மத்திய அமைச்சர், ஜி.கே.வாசன்: லோக்சபா தேர்தலில், ஆம் ஆத்மி கட்சி, 20 மாநிலங்களில் போட்டியிடப் போவதாக அறிவித்துள்ளதால், காங்கிரசுக்கு எந்த பாதிப்பும் ஏற்படாது.
டவுட் தனபாலு: டில்லி சட்டசபைத் தேர்தலின் போதும் இதையே தான் சொன்னீங்க... ஆனா, முடிவு என்னவாச்சு என்பது தான், உலகுக்கே தெரியும்... 'மோடியாலும் பாதிப்பு இல்லை; ஆம் ஆத்மியாலும் பாதிப்பு இல்லை'ன்னா, காங்கிரசால் தான், காங்கிரசுக்கு பாதிப்பு வரும்னு சொல்றீங்களாங்கறது தான், என்னோட, 'டவுட்!'
பிரதமரின் ஆலோசகர், சாம் பிட்ரோடா: நம் நாட்டிற்கு, புதுப் புது திட்டங்கள் மூலம், புதுமைகளை புகுத்துபவர்களே தேவைப்படுகின்றனர்.
டவுட் தனபாலு: நான்கு மாநில சட்டசபைத் தேர்தல் முடிவுக்குப் பின், காங்கிரஸ் தலைவர்கள் தான், பிரதமரை குத்திக் காட்டும் வகையில் பேசுறாங்கன்னா, நீங்களுமாங்கற, 'டவுட்' ஏற்படுதே...!
புதிய தமிழகம் கட்சித் தலைவர், கிருஷ்ணசாமி: நிலக்கோட்டை தொகுதி எம்.எல்.ஏ., ராமசாமியை, முதல்வர் சந்தித்தது, தவறான முன்னுதாரணம்.
டவுட் தனபாலு: எம்.எல்.ஏ., ராமசாமி, உங்க கட்சியைச் சேர்ந்தவர் தானே... அவரை கட்டிக்காக்க முடியாமல், முதல்வரை விமர்சிப்பது சரியா... அதுசரி, தி.மு.க., தலைவர் கருணாநிதியை, நீங்க சந்தித்ததை, ராமசாமியிடம் நீங்க கலந்து ஆலோசித்தீங்களா... ஆளுக்கொரு நியாயமாங்கறது தான், என்னோட, 'டவுட்!'
No comments:
Post a Comment